Şabranda oğru dostlar həbs edildi – Foto

Şabran rayonunda oğurluq hadisəsi baş verib.

Teleqraf.com xəbər verir ki, rayonun Uzunboyad kənd sakini Yasin Əsgərov rayon polis şöbəsinə ərizə ilə müraciət edərək rayonun Məliklər kəndində ona məxsus olan kənd təsərrüfatlarının saxlanc yerindən ümumi dəyəri 1000 manata yaxın avtotexniki avadanlığın naməlum şəxslər tərəfindən oğurlandığını bildirib.

Əməliyyat-axtarış tədbirləri ilə oğurluğu törətməkdə şübhəli bilinən Sumqayıt şəhər sakinləri Ruslan Cəfərquliyev, Elvin İmamverdili və İlkin Verdiyev saxlanılıb.

Dindirilmə zamanı saxlanılan şəxslər törətdikləri cinayəti etiraf ediblər. Ogurladıqları radiator və akkumulyatorlar maddi sübut kimi götürülüb.

Faktla bağlı cinayət işi başlanıb.