Bakıda oğurluq edən iki qardaş həbs edildi

Binəqədi rayonunda avtomobildən oğurluq etməkdə şübhəli bilinən şəxslər saxlanılıb.

Teleqraf.com xəbər verir ki, iyunun 1-nə keçən gecə rayonunun M.Cəlal küçəsində Bakı şəhər sakini olan bir nəfərə məxsus “Lada Priora” markalı avtomobildən maqnitofonunun oğurlanması barədə 7-ci polis bölməsinə müraciət daxil olub.

Əməliyyat tədbirləri nəticəsində oğurluğu törətməkdə şübhəli bilinən 2 nəfər qısa zamanda müəyyən edilib.

Araşdırmalarla onların paytaxt sakinləri olan iki qardaş - əvvəllər məhkum olunmuş Füzuli və Nizami Mustafayevlər olduqları müəyyən edilib.

Faktla bağlı cinayət işi başlanıb.