Köçəryanın evindən küllü miqdarda pul oğurlandı

Ermənistan polisinin rəis müavini Ovanes Köçəryanın İrəvandakı mənzilində oğurluq olub.

Teleqraf.com “Novosti Armeniya”ya istinadla xəbər verir ki, Köçəryan özü bu faktı təsdiqləyib. Hadisə bu gün baş verib.

Onun sözlərinə görə, oğurluq zamanı evdə heç kim olmayıb:

“Evimdən böyük məbləğdə pul aparılıb, amma təfərrüatlar barədə danışa bilmərəm. Polis bu məsələ ilə məşğul olur”, - deyə rəis müavini söyləyib.