Bakıda taksi sürücüsündən qadına qarşı iyrənc əməl – Təfərrüat

Bakının Sabunçu rayonunda soyğunçuluq hadisəsi baş verib.

Teleqraf.com xəbər verir ki, dekabrın 22-də, saat 3 radələrində Abşeron rayon sakini olan bir qadın “28 Mall” ticarət mərkəzinin qarşısında “Opel” markalı avtomobilə sərnişin qismində əyləşərək Xocəsən qəsəbəsi ərazisinə gedəcəyini bildirib.

Sürücü onu aldadaraq Sabunçu qəsəbəsi ərazisinə aparıb, avtomobildə döyərək 680 manatını alıb.

12-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində soyğunçuluğu törətməkdə şübhəli bilinən həmin qəsəbə sakini Fərhad Əliyev saxlanılıb.

Faktla bağlı araşdırma aparılır.