Avtomobilləri qarət edən tutuldu

Bakının Nəsimi rayonunda avtomobilləri qarət edən keçmiş məhkum tutulub.

Bu barədə Teleqraf.com-a Nəsimi rayon Polis İdarəsindən məlumat verilib.

Məlumata görə, 19-cu polis bölməsi əməkdaşlarının keçirdikləri əməliyyat-axtarış tədbirləri nəticəsində Bakı şəhər sakini, əvvəllər məhkum olunmuş Kamal Mirəliyev tutulub.

Onun cari ilin iyul-avqust ayları ərzində Bakı şəhər sakinləri Vüsal Rzayevin, Famil Məmmədovun, Əli Vəliyevin, Vahid Rəhimovun avtomobillərindən oğurluq etməsi müəyyən edilib.

Həmçinin Kamal Mirəliyev Rəşad Kərimovun, Səttar Fətəliyevin avtomobillərindən oğurluğa cəhd göstərmiş, Şəhanə Mustafayevanın, Şahin Məmmədovun və İradə Cəfərovanın avtomobillərinin şüşəsini sındıraraq əmlaklarını qəsdən məhv edib.

Faktla bağlı cinayət işi başlanıb.

Hacı Zeynalov