16 İyul 13:38
230

Rüşvətə təhrik etməkdə və dələduzluqda təqsirləndirilən Asif Məmmədovun cinayət işi üzrə məhkəmə prosesi keçirilib.

Teleqraf.com xəbər verir ki, bu gün Bakı Ağır Cinayətlər Məhkəməsində hakim Eldar İsmayılovun sədrliyi ilə baş tutan prosesdə hökm oxunub.

Asif Məmmədov 6 il müddətinə azadlıqdan məhrum edilib.

Asif Məmmədov vətəndaşlar - Ələkbər Zeynalov və Naibə Piriyevaya işə düzəldəcəyi vədini verib. Lakin sonradan keçmiş icra məmuru vədinə əməl etməyib.

Hər iki şəxsin hüquq-mühafizə orqanlarına şikayəti əsasında saxlanılan Asif Məmmədov saxlanılıb.

Ona qarşı Cinayət Məcəlləsinin 34, 312-ci (rüşvətə təhrik etmə), 178.2.2-ci (dələduzluq, təkrar törədildikdə) və 178.2.4-cü (xeyli miqdarda ziyan vurmaqla törədildikdə) maddələri ilə ittiham elan edilib.

Qeyd edək ki, Asif Məmmədov daha əvvəl Salyan rayon Məhkəməsi və daha sonra isə Bakı Ağır Cinayətlər Məhkəməsində icra məmuru vəzifəsində çalışıb.


Müəllif: Hacı Zeynalov