Bərdədə baş verən cinayətlərin üstü açılıb

Bərdə rayonunda baş verən iki cinayətin üstü açılıb.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, Bərdə rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində oktyabrın 25-də Ramil Seyidovun evindən 50 manat, qızıl üzük, planşet və ətir oğurlamış rayon sakini Samir Nağıyev tutulub.

Bərdə polisinin keçirdiyi digər əməliyyat nəticəsində mağazadan oğurluq edən rayon sakini, əvvəllər məhkum olunmuş Ramin Novruzov tutulub. O, oktyabrın 28-də Şahin Qurbanova məxsus mağazadan 80 manat oğurlayıb.

Hər iki faktla bağlı cinayət işi başlanıb.

Hacı Zeynalov