Ağcabədidə baş verən yanğında 1 nəfər xəsarət aldı

Ağcabədi rayonunda xəsarətlə nəticələnən yanğın hadisəsi baş verib. Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, hadisə rayonunun Avşar kəndində qeydə alınıb. Kənd sakini Telman Əhmədovun həyətindəki yardımçı təsərrüfatın dam örtüyündə yanğın baş verib. Nəticədə bütövlükdə dam örtüyü yanıb, yanıq xəsarəti almış T.Əhmədovun qohumu Rəşid Əhmədov xəstəxanaya yerləşdirilib.

Hacı Zeynalov