Narkotik alverçisinə hökm oxundu

Bakı Ağır Cinayətlər Məhkəməsində narkotik vasitələrin alverində təqsirli bilinən Aslan Məmmədovun cinayət işi üzrə məhkəmə prosesi başa çatıb.

Teleqraf.com xəbər verir ki, hakim Əlövsət Abbasovun sədrliyi ilə keçirilən prosesdə təqsirləndirilən şəxsə hökm oxunub. Məhkəmənin hökmü ilə Aslan Məmmədov 6 il 6 ay müddətinə azadlıqdan məhrum edilib.

Qeyd edək ki, Aslan Məmmədov Cinayət Məcəlləsinin 234.4.3-cü (qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma) maddəsi ilə ittiham edilib.

Hacı Zeynalov