Vətəndaşları aldadan dələduzlar yaxalandı

Bakı polisi axtarışda olan şəxslərin tapılması üçün əməliyyat keçirilib. Bakı şəhər Baş Polis İdarəsindən Teleqraf.com-a verilən məlumata görə, Binəqədi Rayon Polis İdarəsinin 6-cı polis bölməsi əməkdaşlarının keçirdikləri əməliyyat-axtarış tədbirləri nəticəsində axtarışda olan 1984-cü il təvəllüdlü Niyaməddin Həşimov tutulub.

O, Cinayət Məcəlləsinin 178-ci (dələduzluq) maddəsi ilə axtarışda olub. Oxşar əməliyyatı Nəsimi Rayon Polis İdarəsinin Cinayət Axtarış Şöbəsi əməkdaşları da keçirib. Əməliyyat-axtarış tədbirləri nəticəsində dələduzluq ittihamı ilə axtarışda olan 1973-cü il təvəllüdlü Aydın Heydərov tutulub.

Daha bir əməliyyatı Nəsimi Rayon Polis İdarəsinin Cinayət Axtarış Şöbəsi, 19-cu polis bölməsi və Tərtər Rayon Polis Şöbəsinin əməkdaşları tərəfindən keçirilib. Polis əməkdaşlarının birgə keçirdikləri əməliyyat-axtarış tədbirləri nəticəsində Cinayət Məcəlləsinin 178-ci (dələduzluq) maddəsi ilə axtarışda olan 1973-cü il təvəllüdlü Elxan Tağıyev tutulub.

Hacı Zeynalov