Qaradağda oteldə cinayət törədən şəxslər tutuldu

Bakının Qaradağ rayonunda oğurluq edən şəxslər həbs edilib.

Teleqraf.com xəbər verir ki, Qaradağ Rayon Polis İdarəsinin 10-cu polis bölməsi əməkdaşlarının keçirdiyi əməliyyat-axtarış tədbirləri nəticəsində, oğurluqda şübhəli bilinən Bakı şəhər sakinləri - əvvəllər məhkum olunan 1974-cü il təvəllüdlü Aqil Həşimov və 1983-cü il təvəllüdlü Nicat Məmmədov tutulub.

Müəyyən edilib ki, onlar yanvarın və fevralın 2-də Lökbatan qəsəbəsində Natella Quliyevaya məxsus, fəaliyyətdə olmayan oteldən 3 ədəd soyuducu, 15 ədəd kondinsioner və televizor, 4 ədəd istilik radiatoru, yanvarın 13-ü və 20-də Könül Mürsəlovaya məxsus oteldən 2 ədəd kondinsioner, 25 metr kabel, 6 ədəd radiator oğurlayıblar.

Hacı Zeynalov