Sabunçuda narkotik alveri edən keçmiş məhkum tutuldu

Bakının Sabunçu rayonunda narkotiklərlə bağlı əməliyyat keçirilib.

Teleqraf.com xəbər verir ki, əməliyyat rayonun Bakıxanov qəsəbəsi, Sülh küçəsində keçirilib.

Həmin ünvanda Suraxanı qəsəbəsində yaşayan Kazım Əliyev Sabunçu Rayon Polis İdarəsinin 13-cü polis bölməsinin əməkdaşları tərəfindən saxlanılıb. Onun üzərindən 1,814 qram narkotik vasitə olan heroin aşkar edilib.

Qeyd edək ki, Kazım Əliyev əvvəllər Cinayət Məcəlləsinin 234.1-ci (qanunsuz olaraq istifadə etmək məqsədilə narkotik vasitələri saxlama) və 177.2.3-cü (oğurluq) maddələri ilə ittiham olunaraq məhkumluq həyatı yaşayıb.

Faktla bağlı cinayət işi başlayıb.

Hacı Zeynalov