Bankdan külli miqdarda pul oğurlayan şəxs tutuldu

Bakının Sabunçu rayonunda banka məxsus ödəmə terminalından oğurluq edən şəxs həbs edilib.

Teleqraf.com xəbər verir ki, Sabunçu Rayon Polis İdarəsinin 13-cü polis bölməsi, Gəncə şəhər Baş Polis İdarəsinin Kəpəz şəhər polis bölməsi əməkdaşlarının keçirdiyi birgə əməliyyat nəticəsində “Ekspressbank” ASC-yə məxsus ödəmə terminalından oğurluq edən 1991-ci il təvəllüdlü Mobil Ağabalayev saxlanılıb.

Qeyd edək ki, oğurluq hadisə rayonun Bakıxanov qəsəbəsi, Sülh küçəsində qeydə alınıb.

“Ekspressbank” ASC-yə məxsus ödəmə terminalının üst qapağını sındıraraq 12 min 801 manat naməlum şəxslər tərəfindən oğurlanıb.

Oğurluq hadisəsinin baş verməsi ilə bağlı bankın təhlükəsizlik şöbəsinin mütəxəssisi, 1978-ci il təvəllüdlü Qabil Balayev Sabunçu Rayon Polis İdarəsinin 13-cü polis bölməsinə ərizə ilə müraciət edib.

Hacı Zeynalov