Bakıda evləri qarət edən doslar pulları barda xərclədilər

Bakının Binəqədi rayonunda evlərdən oğurluq edən şəxslər polis tərəfindən yaxalanıb.

Teleqraf.com xəbər verir ki, Binəqədi Rayon Polis İdarəsinin 6-cı polis bölməsi əməkdaşlarının həyata keçirdikləri əməliyyat-axtarış tədbirləri nəticəsində Bakı şəhər sakini Murad Mehrəliyev və Abşeron rayon sakini İlham Hətəmov tutulublar.

Onlar fevralın 25-də Bakı şəhər sakini Əziz Abbasovun evindən 2000 manat və 25000 ABŞ dolları oğurlayıblar. Həbs olunan zaman İlham Hətəmovdan 0,27 qram narkotik maddə götürülüb.

Məlumata görə, saxlanılan şəxslər dost olublar. Onlar bildiriblər ki, oğurladıqları pulların bir qismini borclarını bağlayıblar. Yerdə qalan pulları isə narkotik vasitəyə və paytaxtda fəaliyyət göstərən gecə klublarında xərcələyiblər.

Faktla bağlı cinayət işi başlanıb.

Hacı Zeynalov