"Moskva" univermağından 300 min manatlıq qızıl oğurlandı

Bakının Nəsimi rayonunda məşhur ticarət mərkəzindən oğurluq edilib.

Teleqraf.com xəbər verir ki, hadisə Cavadxan küçəsi, 5 ünvanında yerləşən “Moskva” univermağında baş verib.

Unvermaqdan ümumilikdə 300 min manatlıq qızıl-zinət əşyaları naməlum şəxslər tərəfindən oğurlanıb. Oğurluq hadisəsi ilə bağlı Nəsimi Rayon Polis İdarəsinə məlumat verilib. Hazırda polis hadisəni törədən şəxslərin tutulması ilə bağlı əməliyyat keçirir.

Qeyd edək ki, bir neçə gün əvvəl Qazax rayonunun mərkəzi bazarında yerləşən qızıl mağazaları qarət edilib. Qarət edən şəxslər mağazada nə qədər qızıl varsa aparıblar. Oğurluq edən şəxslər qızıl mağazasına yaxın olan parça dükanını da qarət ediblər. Həmin şəxslər oğurladıqları parça ilə mağazada olan əl-barmaq izlərini siliblər.

Hər iki faktla bağlı cinayət işi başlanıb.

Hacı Zeynalov