“Sədərək”də bomba həyəcanı

Bakıda böyük ticarət mərkəzlərindən birində həyəcanlı vəziyyət yaranıb.

Teleqraf.com xəbər verir ki, Qaradağ rayonu, Lökbatan qəsəbəsində yerləşən “Sədərək” Ticarət Mərkəzinə bomba qoyulması barədə hüquq-mühafizə orqanlarına məlumat daxil olub.

Məlumata görə, hüquq-mühafizə orqanlarının əməkdaşları dərhal ticarət mərkəzinə yollanıblar. Orada yerləşən şirniyyat sexində olanlar dərhal kənarlaşdırılıblar.

Aparılan araşdırma zamanı məlumat təsdiqini tapmayıb.

Faktla bağlı araşdırma aparılır.

Hacı Zeynalov