Tovuzda avtomobil piyadanı vurub qaçdı

Tovuzda piyadanın vurulması ilə nəticələnən qəza baş verib.

Teleqraf.com Kəpəz TV-yə istinadən xəbər verir ki, hadisə axşam saatlarında Tovuz - Əlibəyli avtomobil yolunda qeydə alınıb.

Əlibəyli kənd sakini Zirəddin Abdıyevi nəməlum avtomobil vurub. Müxtəlif bədən xəsarətləri alan zərərçəkən yaxınlarının köməyilə Tovuz Mərkəzi Rayon Xəstəxanasına çatdırılıb. Kəllə beyin travması alan zərərçəkənin vəziyyətinin kafi olduğu bildirilir.

Faktla bağlı araşdırma aparılır.