Amerikalılar qan tökülməsini istəyir – Sorğu

Şimali Koreya rəhbərliyinə təzyiq göstərmək üçün ölkənin hərbi və nüvə obyektlərinə aviazərbələr endirilməsini amerikalıların 47 faizi dəstəkləyir.

Teleqraf.com-un məlumatına görə, “Politiko” nəşri ilə “Morning Consult” kompaniyasının birgə sorğusu bu nəticəni üzə çıxarıb.

Hər üç ABŞ vətəndaşından biri Şimali Koreyada yerüstü əməliyyatlara başlamağa razıdır. Ancaq amerikalılar arasında ən populyar olan vasitə diplomatik təzyiq və əlavə sanksiyaların tətbiqidir. Şimali Koreya rəhbərliyinə təzyiq göstərilməsini rəyi soruşulanların 78, əlavə sanksiyaların tətbiqini isə 73 faizi dəstəkləyir.

Sorğu avqustun 10-dan 14-dək qeydiyyatda olan 1997 seçici arasında keçirilib.