Tarixi hekayə müsabiqəsi

Azərbaycanda Vətəndaş Cəmiyyətinin İnkişafına Yardım Assosiasiyasının 1905.az portalı ermənilərin Cənubi Qafqaza köçürülmələri, azərbaycanlıların məruz qaldıqları soyqırımı aktları, tarixi Azərbaycan torpaqlarında erməni dövlətinin yaranması, soydaşlarımızın əzəli torpaqlarından deportasiya edilmələri, Ermənistanın Azərbaycana qarşı silahlı təcavüzü mövzularında tarixi hekayə müsabiqəsi elan edir.

Teleqraf.com-un məlumatına görə, 1905.az portalının direktoru Fuad Babayev bildirib ki, müsabiqəyə təqdim ediləcək hekayələr bu il noyabrın 1-dən gələn il yanvarın 31-dək [email protected] elektron ünvanına göndərilməlidir.

Müsabiqədə Azərbaycan dilində yazılmış və indiyə qədər dərc olunmamış əsərlər iştirak edə bilər.
Müsabiqə haqqında əlavə məlumat bu günlərdə 1905.az saytında yerləşdiriləcək.