Daha doqquz kənd İŞİD-dən azad edildi

İraqda Mosulu azadetmə əməliyyatının 8-ci günündə İŞİD-in mövqelərinə ağır zərbələr endirilib.

Teleqraf.com xarici KİV-ə istinadla xəbər verir ki, türk əsgərlərlə yanaşı, peşmərgə qüvvələri də Başika qəsəbəsinə daxil olublar. Bu gün daha 9 kənd İŞİD-dən azad edilib.

O da bildirilir ki, İŞİD-in sıralarında döyüşməkdən imtina edən 200 nəfər edam edilib.

İraq kəşfiyyatının məlumatına görə, İŞİD lideri Əbubəkir Bağdadi oktyabrın 19-da Mosulu tərk edərək Suriyanın Rakka şəhərinə sığınıb.