Türk jurnalistlər Abdullah Öcalanla bir arada – 24 illik FOTOLAR üzə çıxdı

Türk tədqiqatçı, "Nuri Killigil" kitabının müəllifi Atilla Oral sosial şəbəkədəki profilində nadir fotolar paylaşıb. Teleqraf.com xəbər verir ki, 24 il əvvələ aid olan fotolarda türk jurnalistlər PKK terror təşkilatının lideri Abdullah Öcalanla bir arada təsvir olunub.

A.Oral fotolarda yer alan, Türkiyədə daim qalmaqallarla gündəmə gələn jurnalist, yazar Can Dündar haqqında sərt ifadələr işlədib: "Can Dündarın Apoyla çəkilmiş fotosunu daha öncə heç yerdə görməmişdim. Apo ilə xatirə fotolarını sirr kimi saxladığı aydın olur. Demək ki, dövlət sirlərini yayımlamaqdan çəkinməyən Can Dündar Apo ilə xatirələrini özündə saxlayıb. Halbuki, "heç bir şeyin gizli qalmaması və xalqın hər şeyi bilməsinə dair" tez-tez səsləndirdiyi fikirləri var".

Fotoların 1993-cü ilin martında A.Öcalanın verdiyi mətbuat konfransında çəkildiyini və heç bir yerdə yayımlanmadığını qeyd edən A.Oral həmin jurnalistlərin bu gün yaşadıqlarını bildirib, xalqa fotolar barədə açıqlama vermələrini tələb edib.

Qeyd edək ki, Öcalanla fotosu olan digər jurnalistlər Yazgülü Aldoğan, Ayşe Önal adlı şəxslərdir.

Dilqəm