Hollandiya Türkiyənin tələbinə "yox" dedi

Hollandiya hökuməti 15 iyul hərbi çevrilişə cəhddən sonra Türkiyədən qaçan və bu ölkədən sığınacaq istəyən bir qrup türk zabitilə bağlı qərarını verib.

Teleqraf.com xarici mediaya istinadən xəbər verir ki, bununla bağlı Hollandiyanın Təhlükəsizlik və Ədliyyə Nazirliyi məlumat yayıb.

Bildirilib ki, sığınacaqla bağlı müraciətin araşdırılması üçün hərbçilər 18 ay müddətində Hollandiyada qalmaq hüquqi əldə ediblər. Bununla da, Hollandiya Türkiyənin ekstradisiya tələbini rədd etmiş olub.

Qeyd edək ki, Hollandiyanın NOS telekanalı 100-dən çox türkiyəli zabitin Qərbi Avropa ölkələrinə qaçdığını və bu ölkələrdən sığınacaq istədiyini açıqlamışdı. Türkiyə zabitlərin 3 ay müddətində geri qayıdacağı təqdirdə vətəndaşlıqdan çıxarılmayacağını bildirmişdi.

Samir