Türkmənistan prezidentinin məşhur amerikalı ilə 6-cı görüşü və QOLF SEVGİSİ

Türkmənistan prezident Qurbanqulu Berdimühəmmədov Amerikanın məşhur qolf oyunçusu və "Nikolaus Dizayn" şirkətinin rəhbəri Cek Niklausu bu yaxınlarda 6-cı dəfə qəbul edib.

Teleqraf.com yerli mediaya istinadla xəbər verir ki, şirkət Türkmənistanın paytaxtı Aşqabadda dünya standartları çərçivəsində qolf meydançası tikir.

Türkmənistan prezdenti ilə professional qolf ustası və şirkət rəhbərinin sıx görüşləri Qurbanqulu Berdimühəmmədovun öz ölkəsində qolf idmanının inkişafına xüsusi diqqət yetirməsi ilə bağlıdır. Prezident hesab edir ki, dünyda populyar olan qolf Türkmənistan üçün ən uyğun idman növüdür, çünki onunla istənilən yaşda və fəsildə məşğul olmaq mümkündür.

Hazırda ölkənin 10 regionunda qolf meydançası tikmək planlaşdırılır. Bir meydançanın qiyməti şərtlərə uyğun olaraq 5-15 milyon dollar arası dəyişir.

MAHİR