ABŞ-PKK gizlinləri açıldı - Kod adı SDG

Amerika xüsusi xidmət orqanları PKK-nı terror təşkilatı kimi tanıdığından İraqdakı terrorçuları dəstəkləmək üçün SDG kod adından istifadə edir.

Teleqraf.com xəbər verir ki, "Anadolu" agentliyinə danışan Türkiyə təhlükəsizlik xidmətində çalışan mənbə bildirib ki, PKK İraq və Suriyanın şimalında SDG adı altında 30-dan çox düşərgə qura bilib.

ABŞ rəhbərliyi isə PKK-nın Suriyada möhkəmlənməsini təmin etmək üçün duruma göz yumur, hətta SDG kodundan istifadə edir. PKK Suriyadakı fəaliyyətini öncə PYD, daha sonra YPG adı altında qurub. 2011-ci ildə Suriyada başlayan vətəndaş müharibəsindən sonra PKK-ABŞ əməkdaşlığı daha da dərinləşib. 2015-ci ilin oktyabrından isə PKK Suriyada əldə etdiyi gücü itirməmək üçün özünə SDG adını götürüb və beynəlxalq güclərlə danışıqlarda bu addan istifadə edib.

Hətta PKK silahlılara SDG-nın nişan və formalarını da paylayıb. ABŞ isə bu ad dəyişimindən sonra terrorçulara dəstəyini artırıb.

Türkiyənin təhlükəsizlik xidməti hesab edir ki, əslində SDG PKK-nın bir növ kod adıdır və məqsəd isə Türkiyənin diqqətini bu məsələdən yayındırmaqdır.

Məsələn, türk ordusu Suriyanın şimali-şərqində hava hücumu zamanı PKK-ya aid Karaçok bazasına zərbələr endirib. Bunun ardınca əraziyə gələn amerikalı komandirin "Reuters" agentliyi tərəfindən yayılan fotoları diqqət çəkib. Amerikalı komandiri dağıntılarla tanış edən şəxslərdən biri Şahin Cilo adlı PKK-nın məşhur üzvü olub.

1990-cı ildən PKK-nın fəallarından olan Cilo 1997-2003-cü illərdə Avropada, 2003-2004-cü illərdə İraqda peyda olub. Cilo eyni zamanda 2005-ci ildə PKK-nın rəhbər şəxslərindən biri olub.

Cavad