Rusiya NATO-nu boykot edir – Yeni qərar

Rusiya Xarici İşlər Nazirliyi ölkənin NATO yanında təmsilçiliyini məhdudlaşdırmaq imkanlarını nəzərdən keçirir.

Teleqraf.com xəbər verir ki, bu, Şimali Atlantika alyansının Moskva ilə konstruktiv dialoq əhval-ruhiyyəsində olmaması, istənilən söhbətin Rusiya tərəfinin ünvanına ittihamlara çevrilməsi ilə bağlıdır.

“Aleksandr Qruşko (Rusiyanın NATO-dakı hal-hazırkı nümayəndəsi) Moskvaya qayıtdıqdan sonra Brüsseldə müvəqqəti işlər vəkili saxlanılması variantına baxılır”, - deyə Rusiya XİN-in yüksək çinli məmuru “İzvestiya” qəzetinə bildirib.

Bununla belə Moskva məsələnin bu cür həllinə tələsmir və iyulun 13-də baş tutacaq görüş zamanı NATO ilə konstruktiv diskussiya aparılacağına ümid edir.