10 İyul 2017 14:26
915

Ərəb ölkələri tərəfindən embarqoya məruz qalan Qətər valyuta ehtiyatlarının həcmini açıqlayıb.

Teleqraf.com xarici mediaya istinadla xəbər verir ki, bununla bağlı Qətər Milli Bankının rəhbəri Şeyx Abdulla ibn Səud əl-Tani açıqlama verib.

Onun sözlərinə görə, Qətər Səudiyyə Ərəbistanının rəhbərlik etdiyi ölkələrin sanksiyalarına tam hazırdır və ölkəsinin 340 milyard dollar ehtiyatı var.

Əl-Tani ötən ay Qətərə qoyulan sərmayənin 6 milyard dollar azaldığını qeyd edib.

Xatırladaq ki, iyunun 5-də Səudiyyə Ərəbistanı, Bəhreyn, Küveyt, BƏƏ, Misir, Liviya, Yəmən, Maldiv, Mavritaniya, Cibuti, Seneqal və Kamar adaları terrorçuluğa dəstək verdiyi ittihamı ilə Qətərlə diplomatik əlaqələri kəsib.


Müəllif: Samir