Quql 19 yaşını qeyd edir - 10 üstü 100

Dünyanın ən böyük internet axtarış sistemi olan Quqlun əsas səhifəsində şirkətin yaranmasının 19 illiyi şərəfinə bayram loqosu yerləşdirilib.

Teleqraf.com xəbər verir ki, Stenford universitetinin tələbələri Larri Peyc və Sergey Brin tərəfindən əsası qoyulan şirkət BackRub adlı axtarış sisteminin əsasında yaradılıb.

Şirkətin adı bir və yüz ədəd sıfırdan ibarət sayı ifadə edən (10 üstü 100) “googol” ingilis sözünün təhrif olunmuş formasıdır.

Qeyd edək ki, “google.com” domeni 1997-ci il sentyabrın 15-də qeydiyyatdan keçirilib. Bununla belə, şirkət ad gününü sentyabrın 27-də qeyd edir.