10 Dekabr 2017 20:53
466

Cinayətkar təşkilatlarla əlbir olmaq işi ilə bağlı saxlanılan Gürcüstanın sabiq prezidenti, Odessanın keçmiş qubernatoru Mixeil Saakaşvili Ukraynanın baş prokuroru Yuri Lutsenkonu məhkəməyə verib.

Teleqraf.com xəbər verir ki, bu barədə RİA "Novosti" məlumat yayıb.

Saakaşvilinin sözlərinə görə, baş prokurorun məhkəmədən əvvəl istintaq materiallarını səsləndirməyə hüququ yoxdur. M.Saakaşvilinin müdafiəçisi onun tam azad olunmasını tələb etmək niyyətindədir.

Qeyd edək ki, Ukrayna Baş Prokurorluğu sabiq Gürcüstan prezidentinin iş adamı Sergey Kurçenko ilə iddia edilən audioyazısını yayıb. Səs yazısında hər iki tərəf əməkdaşlıq edəcəyi barədə söhbət edir.

Yuri Lutsenkonun qənaətincə, Saakaşvilinin Kiyevdə təşkil etdiyi mitinqlər Ukraynanın sabiq prezidenti Viktor Yanukoviçin ətrafdakı insanlar tərəfindən maliyyələşdirilib. Mitinqlərin məqsədi isə Ukraynanın mövcud hakimiyyətinin devrilməsinə istiqamətləndirilib.

Saakaşvili ona qarşı irəli sürülən iddiaları yalan adlandırıb. \Report\


Müəllif: Teleqraf