XİN qəzada ölən soydaşımızla bağlı araşdırma aparır

Rusiyada qəzaya uğrayan təyyarədə olan azərbaycanlı sərnişinin vətəndaşlığı araşdırılır.

Teleqraf.com xəbər verir bu barədə XİN-nin Mətbuat xidmətinin rəhbəri Hikmət Hacıyev bildirib.

H.Hacıyev deyib: "Aidiyyəti dövlət qurumları ilə birlikdə Rusiyada qəzaya uğrayan təyyarədə olan sərnişin Qəhrəmanov Namiqin Azərbaycan vətəndaşı olub-olmaması araşdırılır. Əlavə məlumat veriləcək".

Qeyd edək ki, bu gün Moskva-Orsk reysini həyata keçirən "Saratov Hava Yolları"na məxsus sərnişin təyyarəsi "Domodedovo" hava limanından qalxdıqdan bir neçə dəqiqə sonra Moskva yaxınlığında qəzaya uğrayıb. Təyyarədə 65 sərnişin və 6 heyət üzvü olub. Son məlumatlara görə, təyyarənin qalıqları tapılıb, sağ qalan yoxdur.