Fransa bu polisin qəhrəmanlığından danışır - Foto/Yeniləndi

15:25

Fransanın cənubunda İŞİD terror təşkilatının üzvü mağazaya daxil olaraq bir qrup insanı girov götürüb.

Teleqraf.com xəbər verir ki, hadisə Trebes qəsəbəsində baş verib.

Fransa Daxili İşlər Nazirliyi bildirib ki, hüquq mühafizə orqanları mağazada əməliyyat keçirib.

Trebes qəsəbə sakini deyib ki, bir nəfər saat 11:15-də “Super U” adlı mağazaya daxil olub və bundan sonra silah səsləri eşidilib.

***

16:13

Məlumata görə, bir polis əməkdaşı yaralanıb.

Bəzi mənbələr fransız polisinin keçirdiyi əməliyyat nəticəsində silahlı şəxslərdən birinin öldürüldüyünü yazıb.

Fransanın Daxili İşlər nazirinin də hadisə yerinə yollandığı bildirilir.

AFP insident zamanı iki adamın öldüyünü yazıb.

***

Fransa KİV-lərinin məlumatına görə, girovluqda olan insanlar azad edilib.

Ən son məlumatlara görə, insident nəticəsində girovluqda olan 3 şəxs həyatını itirib.

Fransa prokurorluğu faktla bağlı cinayət işi açıb.

***

2018.03.23 18:44

Fransanın Treb şəhərində supermarketə hücum etmiş terrorçu öldürülüb.

Teleqraf.com xəbər verir ki, bu barədə Fransanın daxili işlər naziri Jerar Kolon öz “Tvitter” səhifəsində yazıb. O bildirib ki, girovlar azad edildikdən sonra təslim olması üçün terrorçu ilə danışıqlar aparılıb. Amma danışıqlar nəticə vermədiyi üçün terrorçu dəqiq atəşlə məhv edilib.

Qeyd edək ki, hadisə zamanı 3 nəfər ölüb, bir neçə nəfər yaralanıb.

***

Fransanın Treb şəhərində supermarketə terror hücum zamanı özünün girovlarla dəyişdirilməsini təklif edən polis zabiti Arno Beltram ölüb.

Teleqraf.com-un xəbərinə görə, bu barədə Fransa Daxili İşlər naziri Jerar Kolomb Tvitterdə bildirib.

"Polkovnik-leytenant Arno Beltram bizi tərk etdi. O, Vətən uğrunda öldü. Onun qəhrəmanlığı, cəsurluğu və özünü qurban verməsini heç zaman ututmayacağıq", - nazir yazib.

Qeyd edək ki, bununla da da terror aktı zamanı ölənlərin sayı 4 nəfərə çatıb. Hadisə nəticəsində 16 nəfər yaralanıb.