Ermənilərin özünə çıxdığı türk içkisi 12 ölkədə - 8,5 milyon gəlir

Türkiyə ötəni il 3993 ton ayran ixracından 2 milyon 605 min 143 dollar gəlir əldə edib.

Teleqraf.com xəbər verir ki, bu haqda məlumatı Türkiyə Statistika Komitəsi (TÜİK) yayıb.

Verilən məlumata görə, bu rəqəmlər 2016-cı ildə 761000 dollar civarında olub. Bu il Türkiyənin ayran ixrac etdiyi ölkələrin sayı 12 olub.

İxrac edilən ayranlar Qatar, Gürcüstan, Azərbaycan, Kosova, Suriya, İraq, İsrail, Əfganıstan, Türkmənistan, Liviya, Küveyt və İtaliya süfrələrində yer alıb.

Ən çox ayran ixracı 2574 ton ilə Qətərə gerçəkləşdirilib.

Son 5 ildə Türkiyə bütövlükdə ayrandan 8,5 milyon dollar gəlir əldə edib.

Qeyd edək ki, işağılçı qonşularımız ayranı da özlərinə çıxaraq dünyaya erməni milli içkisi adıyla satırlar.