Ruhani 12-ci futbolçu oldu - Foto

İran Prezidenti Həsən Ruhani futbol üzrə dünya çempionatında İran-Mərakeş qarşılaşmasını evində çay süfrəsi arxasında izləyib.

Teleqraf.com İran KİV-inə istinadla xəbər verir ki, ölkə başçısının farsca “12-ci oyunçu” yazılı idman geyimi diqqət çəkib. Mübarizənin nəticəsindən razı qalan prezident komandasını alqışlayıb. Fotolarını sosial şəbəkədə paylaşan Həsən Ruhani “Oynadığınız oyun və qazandığınız zəfərlə bütün İran xalqını sevindirdiniz, uşaqlar, sizlərə təşəkkür edirəm” qeydini izləyiciləri ilə bölüşüb.

Xatırladaq ki, İran Mərakeşlə qarşılaşmada 1:0 hesabı ilə qalib gəlib.