Moldova prezidentinin qəzaya düşdüyü anın görüntüləri - Foto\ Video

Moldova Dövlət Mühafizə Xidməti ölkə prezidenti İqor Dodonun içərisində olduğu maşının qəzaya düşdüyü anın görüntülərini yayıb.

Videodan yük maşınının qarşı yola çıxdığı, ardınca isə nəqliyyat vasitəsinin dövlət başçısının olduğu avtomobilə çırpıldığı və nəticədə onu yoldan kənara atdığı görünür.

Qəza Straşenı – Kalaraş yolunda baş verib. Dövlət başçısı qəza nəticəsində xəstəxanaya yerləşdirilib.

16:37

Moldova prezideti İqor Dodonun korteji Straşenı – Kalaraş yolunda qəzaya düşüb. Dövlət başçısı qəza nəticəsində xəstəxanaya yerləşdirilib.

“Report” TASS-a istinadən xəbər verir ki, bu barədə bazar günü yerli "Publika" telekanalı məlumat yayıb.

İlkin məlumatlara görə, kortej yük maşını ilə toqquşub və nəticədə maşınlardan biri aşıb. Polis qəza faktını təsdiq edib, lakin onun detalları barədə məlumat verməyib.

Moldova prezidentinin mətbuat xidmətindən TASS-a məlumatı hələ ki, təsdiq etməyiblər.