Bir həftədə 56 terrorçu məhv edildi

Türkiyənin təhlükəsizlik qüvvələri tərəfindən Şırnak, Siirt, Diyarbakır, Ağrı əyalətlərində və İraqın şimalında 14-20 sentyabr tarixlərində keçirilən xüsusi əməliyyatlar zamanı 56 PKK terrorçusu zərərsizləşdirilib.

Teleqraf.com-un Türkiyə KİV-lərinə istinadən verdiyi məlumata görə, qaçaqmalçılara və narkotik alverçilərinə qarşı keçirilən əməliyyatlar zamanı 41,94 min qutu siqaret, 669 min çətənə kolu və 725 kiloqramm narkotik maddələr müsadirə olunub.

"Zeytun budağı" əməliyyatının əvvəlindən zərərsizləşdirilən terrorçuların sayı 4573-ə çatıb. Terrorçulara qarşı keçirilən əməliyyatlar zamanı 54 hərbçi həlak olub, 241 hərbçi isə yaralanıb.