“Həbib yüz faiz qalib gələcək” - Meneceri Meyvezerlə döyüş haqqında

“Həbib nəhəng idmançıdır. O, rinqdə Floyd Meyvezeri bütün bədəni ilə bağlayacaq və yoracaq. Yüz faiz əminəm ki, Həbib qalib gələcək”.

Teleqraf.com xəbər verir ki, bunu Rusiyalı qarışıq döyüş növləri ustası Həbib Nurməhəmmədovun meneceri Əli Əbdül-Əziz 41 yaşlı boksçu Floyd Meyvezerlə ehtimal olunan döyüş haqqında danışarkən bildirib.

O qeyd edib ki, hansısa idman komissiyasının bu döyüşün MMA qaydaları ilə keçirilməsinə razılaşacağına inanmır: "Bu, qanunsuz olardı. Bu, könüllü qətl deməkdir".

Mütləq döyüş çempionatının (UFC) prezidenti Den Uayt döyüşün boks qaydaları ilə baş tutmayacağını bəyan edib.