Polşa rusiyalı milyarderə qarşı sanksiyalar tətbiq etdi

Polşa Daxili İşlər Nazirliyi biznesmen, "Finstar Financial Group" investisiya qrupunun müşahidə şurasının sədri Oleq Boykonu sanksiya siyahısına daxil edib.

Teleqraf.com xəbər verir ki, bu barədə "TASS" agentliyi məlumat yayıb.

Məlumata görə, Polşa Daxili İşlər Nazirliyinin rəhbəri Tomaş Siemonyak bu barədə dekabrın 12-də qərarı imzalayıb.

Milyarder sanksiya siyahısına salındıqdan sonra onun Polşaya girişi qadağan olunacaq, respublikadakı aktivləri dondurulacaq.