Bu ölkələr diplomatlarını Suriyadan təxliyə etdi

Rusiya Dəməşqdəki diplomatik nümayəndəliklərinin bəzi əməkdaşlarını təxliyə edib.

Teleqraf.com xəbər verir ki, bu barədə Rusiya Xarici İşlər Nazirliyinin Situasiya Böhran Mərkəzi (DSCC) məlumat yayıb.

“Dekabrın 15-də Xmeymim aviabazasından Rusiya Müdafiə Nazirliyinin Aerokosmik Qüvvələrinin xüsusi reysi Rusiyanın Dəməşqdəki xarici nümayəndəliklərinin şəxsi heyətinin bir hissəsini Moskvanın Çkalovski hava limanına çatdırıb” - məlumatda deyilir.

Mərkəzdən bildirilib ki, Rusiya tərəfi Suriyanın paytaxtından Belarus, Şimali Koreya və Abxaziya diplomatik nümayəndəliklərinin əməkdaşlarını da təxliyə edib .

Sonda qeyd edilib ki, Rusiyanın Dəməşqdəki səfirliyi işini davam etdirir.