Avtomobil devrildi – 25 nəfər öldü, 29 nəfər yaralandı

Meksikada qaçqınları daşıyan yük avtomobili nəzarətdən çıxaraq yolun kənarına aşıb. Qəza nəticəsində 25 nəfər ölüb, 29 nəfər yaralanıb.

Teleqraf.com xəbər verir ki, faciə Meksika-Qvatemala sərhədi yaxınlığındakı Çiapas əyalətində baş verib.

Mərkəzi Amerika qaçqınlarını daşıyan yük avtomobili bəlli olmayan səbəblərdən yoldan çıxıb.

Hadisə zamanı yaralanan şəxslər xəstəxanaya çatdırılıb.

Qeyd edək ki, qaçqınlar ABŞ-a doğru yola çıxıbmış.