Keşişin xanımı gözəllik müsabiqəsində - Rusiyada qalmaqal

Rusiyada keşişin xanımı gözəllik müsabiqəsinə qatılıb.

Teleqraf.com xəbər verir ki, Maqintoqorski şəhərinin keşişinin xanımı Oksana Zolotova şəhərdə keçirilən gözəllik müsabiqəsində iştirak edib.

İnternet sorğusundan sonra Oksana növbəti final mərhələyə keçib. Zolotovanın yarış fotolarının internetdə yayılmasından sonra məsələ ictimailəşib.

Bir çoxları xanımına gözəllik müsabiqəsində iştirak etməsinə icazə verdiyi üçün keşişi tənqid edib.

Keşiş isə bəyan edib ki, həyat yoldaşı müsabiqənin final mərhələsinə qatılmaq niyyətində olmayıb, yalnız təşkilatçıların israrından sonra fikrini dəyişib: “Mən xanımımla 15 ildir ailəliyəm, 2 övladımız var. Onun haqqında hərə bir söz danışır, istirahətə getdiyini iddia edirlər. Xanımım yanımdadır. Biz istirahətə Türkiyəyə, Misirə və ya Rusiyanın başqa əyalətlərindən birinə gedəcəyik”.

Məlumata görə, hadisədən sonra Rusiya kilsələri də hərəkətə keçib. Bəzi keşişlər bəyan ediblər ki, keşiş xanımları şəxsi həyatlarına diqqət etməli və ərlərinin xidmət etdiyi kilsələrə kömək etməlidirlər.

Ehtimal olunur ki, kilsə keşiş Sergey Zolotova töhmət verəcək.