ABŞ-ın “Ross” esminesi Qara dənizə daxil olub

ABŞ-ın Hərbi-Dəniz Qüvvələrinə məxsus “Ross” esminesi Qara dənizə daxil olub.

APA-nın İTAR-TASS agentliyinə istinadən verdiyi xəbərə görə, onunla birgə Dardanel boğazından Fransanın "Commandant Birot" qarovul gəmisi də keçib.

ABŞ Hərbi-Dəniz Qüvvələrinin bildirdiyinə görə, “Ross” esminesi Qara dənizdə NATO üzrə tərəfdaşları ilə birgə manevr imkanlarının genişləndirilməsi üçün tədbirlər görəcək.

Yaxın günlərdə Qara dənizə NATO-nun Kanada və İspaniyaya məxsus "Toronto" və "Almirante Juan de Borbon" hərbi gəmiləri də daxil olacaq.