Çin liderindən Putinlə bağlı - Etiraflar

Putin Çin xalqı üçün səmimi və uzunmüddətli bir dostdur. Şəxsən mənim üçün isə Vladimir Vladimiroviç ən yaxın dostdur.

Teleqraf.com xəbər verir ki, bunu Çin lideri Si Cinpin bildirib.

Pekində keçirilən ikinci “Bir kəmər, bir yol” beynəlxalq forumu zamanı Çin rəhbəri Rusiya Prezidenti ilə “səmimi dostluq” münasibətlərini qiymətləndirdiyini və bu münasibətlərin qədrini bildiyini vurğulayıb. O qeyd edib ki, artıq cənab Putinlə 30 dəfə görüşüb.

Si Cinpin bildirib ki, V.Putin Çin-Rusiya münasibətlərinə tarixi töhfələr verib.

Pekin forumu çərçivəsində Vladimir Putinə Sinxua Universitetinin fəxri doktoru adı verilib. Rusiya Prezidenti universitetin bu sənədini almaqdan böyük şərəf hissi keçirdiyini bildirib:

“Buranın məzunları arasında mənim əziz dostum Si Cinpin də var”.