Litvada NATO təlimləri başladı

Litvada 10 ölkədən 4 minədək hərbi qulluqçunun iştirakı və min vahiddən çox hərbi texnikanın cəlb edildiyi “Gelezinis Vilkas” irimiqyaslı manevrlər başlanıb.

Teleqraf.com xəbər verir ki, bu barədə Litva ordusunun komandanlığı məlumat yayıb.

Təlimlərdə Litva ilə yanaşı, Belçika, Böyük Britaniya, Almaniya, Danimarka, Niderland, Norveç, Polşa, ABŞ, Çexiya və Estoniyanın hərbi qulluqçuları iştirak edirlər. Onların bir hissəsi NATO-nun Litvada toplu batalyonuna daxildir. İki həftə davam edəcək təlimlər Litva ordusunun Pabrade şəhərində yerləşən poliqonunda və Qayjyunay poliqonunda keçiriləcək.