Müdafiə Nazirliyinə hücum: 50 nəfər yaralı var – Video

Əfqanıstan Müdafiə Nazirliyi qarşısında bomba yüklü avtomobil partladılıb, daha sonra ətrafa atəş açılıb.

Teleqraf.com xəbər verir ki, Kabildəki güclü partlayış zamanı 50-dən çox insan yaralanıb.

Həlak olanlarla bağlı hələlik məlumat yoxdur. Partlayışdan sonra silahlı qrup nazirliyin binasını və ətrafını gülləyə tutub. Sonradan polis və əfqan xüsusi xidməti nazirliyin ətrafına nəzarəti ələ alıb.

Bu hücumun Taliban təmsilçilərinin Qətərin paytaxtı Dohada ABŞ rəsmiləri ilə sülh danışıqları apardığı bir vaxta təsadüf etməsi xüsusi diqqəti çəkir.