“Suriyada vəziyyət yaxşılaşır” – 8 illik savaş sona doğru

Keçən illə müqayisədə Suriyada vəziyyət daha yaxşıdır, ölkə ərazilərinin 80 faizi dövlətin nəzarəti altındadır.

Teleqraf.com xəbər verir ki, bu barədə Suriya xarici işlər naziri Valid əl-Muallim məlumat verib.

Ölkənin baş diplomatı Suriyanın şimal-qərb və şimal-şərq bölgələrində hələ də terror qruplaşmalarının fəaliyyət göstərdiyini bildirib:

“Suriya ərazilərindəki bütün terror qruplaşmalarını zərərsizləşdirmək məsələsində qərarlıyıq. Habelə Suriyada qeyri-qanuni fəaliyyət göstərən bütün xarici qüvvələrin ölkə ərazilərindən çıxarılması üçün əlimizdən gələni edirik”.

Qeyd edək ki, Suriyada vətəndaş müharibəsi 2011-ci ildə başlayıb.