Mafiya lideri həbs edildi

Meksikada “Rojos” adlı narkotik şəbəkəsinin El Karrete ləqəbli lideri Mazari həbs edilib.

Teleqraf.com xəbər verir ki, bu barədə Meksika Milli Təhlükəsizlik Xidməti məlumat yayıb.

Mafiya başçısı ölkənin cənub əyalətində həbs olunub. O, narkotik qaçaqmalçılığı və mütəşəkkil cinayətkarlığa rəhbərlikdə ittiham edilir.

Son 10 ildir mafiyaya liderlik edən və xüsusi xidmət orqanları tərəfindən axtarılan Mazarinin yaxalanması üçün 150 min dollar mükafat təsis olunub.