11 Sentyabr 2014 22:44
256

Ümumdünya Meteorologiya Təşkilatı karbon dioksid (CO2) qazlarının atmosferdəki səviyyəsinin artdığını bildirib.

Teleqraf.com-un “Amerikanın səsi”nə istinadən verdiyi xəbərə görə, qurum CO2 maddəsinin son illər rekord səviyyəyə yüksəldiyini bildirib.

Təşkilatın hesabatında bildirilib ki, son 30 il ərzində karbon dioksidin səviyyəsi bu qədər yüksək olmayıb. Bundan əlavə metan və azotlu oksidin də artdığı vurğulanıb.

Ümumdünya Meteorologiya Təşkilatının direktoru Mişel Carraudun bildirdiyinə görə, CO2-nin 80 faiz artımı 1990-2013-cü illər ərzində qazın 34 faiz artmasının göstəricisidir.

“Narahatlıq doğuran faktorlardan biri CO2-nin armosferdə uzun müddət qalmasıdır. Əgər sabah emissiya qazları tullantıları dayandırılsa belə bu qaz yüz min illərlə atmosferdə qalacaq”.

Carraud deyir ki, atmosferin çirklənməsinin 25 faizi insan fəaliyyətinin nəticəsidir. Bunların 25 faizi okeanlardan, 25 faiz biosferdən, qalanları isə atmosferdən qaynaqlanır. O, CO2-nin keçmiş, hazırkı an və gələcəkdə qlobal istiləşməyə və okeanlarda turşuluğun artmasına yol açdığını deyir.

Ümumdünya Meteorologiya Təşkilatının direktoru vaxtın bəşəriyyətin əleyhinə işlədiyini bildirir.

“Konsentrasiya yüksək həddə çatır. İqlim dəyişikliyinə mane olunması üçün ciddi ölçülərə ehtiyac var. Həlli mümkün olmayan və çox hallarda baha başa gələcək halların qarşısı alınmalıdır.”

İqlim dəyişməsi ilə havalar ekstrimləşə bilər. Lakin Carraud hələ də ölçülər götürülməsinin gec olmadığını deyir.

Samir


Müəllif:
Загрузка...