Metroda qorxulu anlar: qatar sərnişini sürüdü – Video

Ayağı metro qatarı ilə platformanın arasında qalan və sürünməyə məcbur olan şəxsi son anda xilas etmək mümkün olub.

Teleqraf.com xəbər verir ki, hadisə Hindistanın Telangana regionunda baş verib.

Qatara minməyə çalışan sərnişin ayağı platforma ilə vaqonun arasında qalıb. Qatar hərəkət edərkən o sürünməyə başlayıb.

Videoda bir təhlükəsizlik əməkdaşının qatarın sürüdüyü adamı tutaraq onunla birlikdə qaçdığı və son anda onu xilas etdiyi görünür.

Ayağı qatarla platforma arasında qalan şəxs cüzi yaralanıb.