Ərdoğan ABŞ-a gedir – Trampdan kritik açıqlama

Türkiyə Prezidenti Rəcəb Tayyib Ərdoğan və ABŞ Prezidenti Donald Tramp arasında noyabrın 13-də Vaşinqtonda görüşün keçiriləcəyi təsdiq edilib.

Teleqraf.com xəbər verir ki, bu barədə Türkiyənin Rabitə Nazirliyi açıqlama yayıb.

Açıqlamada bu barədə Ərdoğanın Trampla telefon görüşündə razılaşma əldə edildiyi bildirilib.

Görüşdə ikitərəfli münasibətlərdəki gərginlik və bölgədə baş verən son olaylar müzakirə olunacaq. Ərdoğan Ağ Evdə baş tutacaq görüşün nəticə verəcəyinə ümid etdiyini, Tramp isə bunun möhtəşəm bir görüş olacağını deyib.

Telefon danışığından sonra Donald Tramp da Tvitter üzərindən açıqlama yayıb: “Ərdoğan mənə əməliyyat vaxtı qaçdığı bildirilən və aralarında terrorçu Əbu Bəkir əl-Bağdadinin həyat yoldaşı və bacısının da olduğu bir çox İŞİD üzvünün ələ keçirildiyini dedi”.

Tramp telefon danışığında Suriya sərhədlərindən terrorizmin aradan qaldırılmasından , YPG/PKK və digər məsələlərin müzakirə edildiyini də diqqətə çatdırıb:

“Prezident Ərdoğanı gələn həftə Ağ Evdə səbrsizliklə gözləyirəm”.