Azərbaycanlı siyasi məhbus azadlıqda – Qardaşından isə xəbər yoxdur

Güney azərbaycanlı tələbə, siyasi fəal Yaşar Darülşəfa Tehranın Evin həbsxanasından azadlığa buraxılıb.

Teleqraf.com xəbər verir ki, siyasi fəal ötən il dekabrın 1-də İran polisi tərəfindən Tehranda saxlanılmışdı.

Qəzvin sakini olan azərbaycanlı tələbə Tehran Reabilitasiya Elmləri Universitetində doktorantura pilləsində təhsil alır.

Yaşarın qardaşı Kavə Darülşəfa da noyabrın 25-də Tehranda polis tərəfindən saxlanılıb. Darülşəfanının hansı səbəbdən və harada saxlanıldığı məlum deyil.