23 Yanvar 2020 12:42
2 087
12 Punto 14 Punto 16 Punto 18 Punto

Donald Tramp administrasiyası Asiya və Afrikanın 7 ölkəsinə viza verilməsini məhdudlaşdıracaq.

Teleqraf.com xəbər verir ki, bu barədə Amerika KİV-də məlumat yayılıb.

Məlumata görə, ABŞ hökumətinin hədəfində olan ölkələr arasında Belarus, Eritreya, Qırğızıstan, Myanma, Nigeriya, Sudan və Tanzaniya yer alır. Siyahıya MDB məkanına daxil olan Qırğızıtsan və Belarusun da daxil olması xüsusi olaraq diqqət çəkib.

Açıqlamada sözügedən ölkələrin vətəndaşlarının ABŞ-a girişinə qadağa qoyulmayacağı, amma yaşamaq, turizm və ticarət məqsədli vizaların verilməsinin böyük ölçüdə məhdudlaşdırılacağı bildirilib.

ABŞ hökuməti bundan əvvəl İran, Suriya, Liviya, Yəmən, Somali, Çad və Şimali Koreya vətəndaşlarına vizaların verilməsini dayandırıb.


Müəllif: Mənsur Rəğbətoğlu